 |
| संकेतिक तस्विर |
पीडित पक्षका अनुसार, बाटो निर्माणसम्बन्धी विषयमा छलफल गर्न वडा समितिबाट फोन गरेर अनिल पटेललाई बोलाइएको थियो। सोही क्रममा पूर्व वडा अध्यक्ष भरत प्रसाद कुर्मीका छोरा विशाल पटेलले योजनाबद्ध रूपमा आक्रमण गरेको आरोप लगाइएको छ।
घटनाका बेला अनिल पटेल वडा सचिव राजेश डंगोल तथा कार्यवाहक अध्यक्ष देवकरण पटेलसँग कुराकानी गरिरहेका थिए। त्यसैबीच विशाल पटेलले एक्कासी मुक्का प्रहार गर्दै कुटपिट गरेको पीडित पक्षको दाबी छ। आक्रमणबाट पटेलको छाती, घाँटी, ढाड तथा कम्मरमा चोट लागेको बताइएको छ।
घटनापछि प्रहरी घटनास्थलमा पुगेको र सीसीटीभी फुटेजसमेत हेरेको जनाइएको छ। तर पीडित पक्षले आरोपीलाई तत्काल नियन्त्रणमा नलिएको भन्दै असन्तुष्टि व्यक्त गरेको छ। पीडित पक्षले दोषीलाई कानुनी दायरामा ल्याई निष्पक्ष छानबिन तथा कारबाही गर्न माग गरेको छ।
यता, घटनाबारे प्रहरीले औपचारिक धारणा सार्वजनिक गरिसकेको छैन। घटनाको थप अनुसन्धान भइरहेको बताइएको छ।
पीडित पक्षको आरोप र प्रहरीको आधिकारिक धारणा आउन बाँकी रहेकाले घटनाको निष्कर्ष अनुसन्धानपछि मात्र स्पष्ट हुने देखिन्छ।
