बारा,११ पुस : बारा प्रहरीले जीतपुर सिमरा उपमहानगरपालिका-७ स्थित जीतपुर चोकबाट ३० लाख ६७ हजार ७९६ रुपैयाँ बराबरका सामानसहित एक ट्रक नियन्त्रणमा लिएको छ।
पुस ९ गते राति ०८:४५ बजे इलाका प्रहरी कार्यालय जीतपुरबाट प्रहरी नायब निरीक्षक मोह नारायण रायको नेतृत्वमा खटिएको प्रहरी टोलीले वीरगंजबाट काठमाडौं जाँदै गरेको ना ४ ख ३९८४ नम्बरको ट्रकलाई रोकी जाँच गर्दा बिलभन्दा बढी समान फेला परेको थियो।
चालकले सामानको स्रोत खुलाउन नसकेपछि प्रहरीले उक्त ट्रक नियन्त्रणमा लिएको इलका प्रहरी जितपुरको ईन्चार्ज मोह नरायण यादले जानकारी दिए।
ट्रकमा कपडा, चना, ब्याट्री, थर्मोकोलका दाना र अन्य खुद्रा सामान लोड गरिएको थियो।
ट्रक र सामानलाई आवश्यक कर्वाहिको लागि पथलैया राज्सव कार्यलायमा बुझायेको मोह नरायण यादले जानकारी दिए।
