प्रहरी स्रोतका अनुसार नारायणी अस्पतालमा उपचारका क्रममा भएको भनिएको लापरवाहीपछि उत्पन्न विवाद, त्यससँग सम्बन्धित घटनाक्रम तथा जिल्लामा देखिएका अन्य विवादहरूका कारण प्रहरी नेतृत्व परिवर्तन गरिएको हो। यद्यपि नेपाल प्रहरीले सरुवाको आधिकारिक कारण सार्वजनिक गरेको छैन।
स्रोतका अनुसार एसपी पाठकको कार्यकालमा केही संवेदनशील घटनाको व्यवस्थापन र प्रहरी भूमिकामाथि समेत प्रश्न उठ्दै आएका थिए। पछिल्लो समय नारायणी अस्पतालसँग सम्बन्धित घटनाले थप चर्चा पाएपछि प्रहरी नेतृत्व फेरबदल गरिएको दाबी गरिएको छ।
यसैबीच, पर्साको नयाँ प्रहरी प्रमुखका रूपमा एसपी पवन भट्टराई आउने तयारी रहेको छ, भने आजै बेलुका एसपी पाठकको बिदाई कार्यक्रम समेत रहेको प्रहरी स्रोतको दाबी छ।
यस विषयमा नेपाल प्रहरी वा सम्बन्धित निकायबाट औपचारिक धारणा आउन बाँकी रहेको छ।
