पर्सा- १८ औं गणतन्त्र दिवसको अवसरमा नेकपा एमाले वीरगंज महानगर कमिटीले बिशाल मोटरसाईकल र्याली र फलफुल बितरण गरेको छ ।नगर कमिटी अध्यक्ष नवराज शर्माको नेतृत्वमा मोटरसाईकल ¥याली र फलफुल बितरण कार्यक्रम सम्पन्न भएको हो ।
नगर कमिटीको कार्यालय वीरगंज १४ पिपरा सिद्धार्थ मा.बि. बाट निस्केको मोटरसाईकल र्याली वीरगंज नगर परिक्रममा गरि घण्टाघरमा आई कोण सभामा परिणत भएको थियो ।
कार्यक्रमलाई सम्बोधन गर्दै नेकपा एमाले मधेश प्रदेशका उपाध्यक्ष एवं वीरगंज ईन्चार्ज बिचारी यादवले गणतन्त्र स्थापनमा एमालेको भुमिकाबारे चर्चा गरे । कार्यक्रमका प्रमुख अतिथी समेत रहेका यादवले गणतन्त्रको बिकल्प गणतन्त्रनै भएको बताउदै राजावादीहरुको आन्दोलनको कुनै औचित्य नरहेको जिकिर गरे । पछिल्ला केहि समय देखि गणतन्त्र बिरोधी गतिबिधि बढेको भन्दै ति तत्वहरुलाई तह लगाउने बेला आएको यादवले भने । हजारौं नेपालीको बलिदानीको कारण देशमा प्रजातन्त्र ,गणतन्त्र आएको भन्दै गणतन्त्रको रक्षाको लागि एमाले तयार रहनुपर्ने धारणा राखे ।
यसैगरी नगर अध्यक्ष नवराज शर्माले गणतन्त्रलाई ध्वस्त पार्न केहि तत्वहरु सक्रिय भएको भन्दै त्यसता शक्तिहरुलाई एमालले परास्त गर्ने दावी गरे । “हामी सवै मिलि गणतन्त्रको रक्षा गर्नुपर्छ ,गणतन्त्र बिना नेपालको कल्पना पनि गर्न सकिदैन” अध्यक्ष शर्माले भने । उहाँले नेपालीलाई दुख दिने कुनै पनि कार्य सहन गर्न नसकिने भन्दै दिनहु बिभिन्न काम लिएर सरकारी कार्यालय जाने सेवाग्राहीलाई सहज बातारणमा काम गर्न कर्मचारीलाई अनुरोध गरे । उनले सेवाग्राहीलाई दुख पिडा दिने कर्मचारी र कार्यालय बिरुद्ध एमाले निरन्तर खबरदारी गरिरहने बताए । कोण सभाको सहजीकरण नगर कमिटी सचिव लियाकत अलिले गरेका थिए ।
कोण सभा पश्चात नारायणी अस्पतालमा फलफुल बितरण गरिएको थियो। नारायणी अस्पतालमा उपचारर्थ ४१५ जनालाई फलफल बितरण गरिएको नगर अध्यक्ष शर्माले जानकारी दिए ।
मोटरसाईकल ¥यालीमा एमलेका केन्द्रिय सदस्य अरबिन्द सिंह,लगायत ३२ वटै वडाबाट नेता कार्यकर्ताहरुको उपस्थ्तिी थियो ।
प्रतिक्रिया