पर्सा- नारायणी रंगशालाको जिर्ण अवस्था प्रति डा. दिपेन्द्र चौधरीले चिन्ता ब्यक्त गरेका छन । डा. चौधरीले बिहिवार अनुगमन गर्दै रंगशालाको जिंण अवस्था प्रति आफु चिन्तित रहेको बताएका हुन ।
उनले नारायणी रंगशालामा (कभर्डहल र प्याराफिट बन्ने) गरि स्तोरउन्नतीका लागी २०७६ सालमा करिव ७ करोडको बजेट नेपाल सरकारले बिनियोजन गरेको जिकिर गर्दै अहिले सम्म बजेट कागजमा मात्र सिमित रहेकोले चिन्ता ब्यक्त गरेका छन । उनले भने नारायणी रंगशाला एकदमै जिर्ण अवस्थामा पुगिसकेको छ, यता स्तोरउन्नतीको लागी पटक पटक बजेटमा उल्लेख गरियो तर हालसम्म प्रगतिको रुपमा शुन्य रहेको बताए ।
डा. चौधरीले नारायणी रंगशाला विक्रम सम्बत् २०३८ सालमा ९० लाख रुपैयाँको लागतमा निर्माण भएको थियो । काठमाडौंको दशरथ रंगशालापछिको दोस्रो ठूलो रंगशालाको रुपमा रहेको नारायणी रंगशालाको प्याराफिटहरु संरक्षणको अभावमा जीर्ण बनेको हुनाले तत्काल नारायणी रंगशालाको निर्माण पछि मात्र अर्को रंगशालाको अवधारण ल्याउन सरकारसंग आग्रह गरेका छन । उनले नारायणी रंगशाला जिर्ण भएको हुनाले अहिले खेलाडीहरु रंगशालामा न्युन हुनलागेको जिकिर गरे ।
डा. चौधरीले पर्सा जिल्लालाई समग्रहमा हेर्दा व्यापारिक, आर्थिक तथा सामाजिक दृष्टिकोणमा राम्रो रहेपनि हुनुपर्ने जतिको विकास हुन नसकेको बताए । जनताको प्रतिनिधित्व गर्ने ब्यक्ति कुनै पार्टी र संगठन बिषेश नभई समाज र जनता बिषेश काम गर्नु जरुरी हुन्छ, तर यहाँ नेताहरुले भोट माग्ने बेला जनप्रिय बन्ने र जित पाउने बितिकै प्राईभेट लिमिटेड कम्पनी जस्तै आफ्ना आसेपासेलाई पोषण पालनमा सिमित हुने गरेको गुनासो गरे । उनले नारायणी रंगशालालाई स्तोरउन्नती गर्ने बिषयमा नेता तथा मन्त्रीहरुले ठुलाँ ठुलाँ भाषण गरेर अनुगमनको नाममा मिडिया बाजी गर्ने काम मात्र गरेको आरोप समेत लगाए ।
डा. चौधरीले सरकार परिवर्तनबाट पर्सामा पाँच मन्त्रालय पाउनु ठुलो कुरा हो र प्रसेली जनतामा खुुशीसंगै आसाको नयाँ किरण उठेको छ । नयाँ समिकरण तथा सत्ता सहकार्यले सकारात्मक र उत्साहपूर्ण परिणाम दिन्छ भने प्रसेली जनताले अपेक्षा समेत गरेका छन । जनताले दिएको मतलाई कदर गर्दै स्थानिय सरकार तथा प्रदेश सरकार र संघिय सरकारमा प्रतिनिधित्व गरिरहेका ब्यक्तिहरुबाट जिर्ण अवस्थामा पुगेको नारायणी रंगशालाको मुहार फेरिने कार्य होस र साथै रंगशाला स्तेरउन्नतीको बिषयलाई उठाउन सम्पूर्ण सरोकारवालाहरुमा आग्रह समेत गरेका हुन ।
प्रतिक्रिया