वीरगञ्ज – फागुन २१ गते हुने प्रतिनिधिसभा निर्वाचन नजिकिँदै जाँदा पर्सा निर्वाचन क्षेत्र नम्बर–२ मा चुनावी सरगर्मी चरममा पुगेको छ। यसपटकको निर्वाचनलाई यहाँ “नयाँ पुस्ता बनाम पुरानो सोच” को प्रतिस्पर्धाका रूपमा हेरिएको छ। नेकपा एमालेकी जेनजी उम्मेदवार रिमा कुमारी यादवको पक्षमा बढ्दो जनलहरले राजनीतिक समीकरण नै बदलिने संकेत देखिएको छ।
युवा, शिक्षित र ऊर्जावान नेतृत्वको रूपमा चिनिएकी रिमा कुमारीले चुनावी मैदानमा प्रवेश गरेसँगै पर्सा–२ मा नयाँ आशा र उत्साहको वातावरण बनेको स्थानीयवासीहरू बताउँछन्। घरदैलो, टोलभेला र युवासँगको अन्तरक्रिया कार्यक्रमहरूमा उल्लेखनीय सहभागिता देखिनु उनको लोकप्रियताको संकेत मानिएको छ।
परिवर्तनको मुद्दा र विकासको एजेन्डा
रिमा कुमारीले आफ्नो चुनावी अभियानमा रोजगारी सिर्जना, महिला सशक्तीकरण, शिक्षा–स्वास्थ्यको सुधार र पूर्वाधार विकासलाई प्राथमिकतामा राखेकी छन। विशेष गरी युवा र महिलाको सहभागिता सुनिश्चित गर्ने प्रतिबद्धताले मतदातामाझ सकारात्मक प्रभाव पारेको छ।
स्थानीय उद्योग–व्यवसायको प्रवर्द्धन, सीमावर्ती क्षेत्रको व्यवस्थापन, कृषिमा आधुनिकीकरण र डिजिटल सेवाको विस्तारजस्ता एजेन्डाले समसामयिक आवश्यकता सम्बोधन गर्ने प्रयास देखिएको छ।
विपक्षीको आरोप–प्रत्यारोप र जनताको प्रतिक्रिया
निर्वाचन नजिकिँदै जाँदा विपक्षी दलबाट विभिन्न आरोप–प्रत्यारोप र भ्रम फैलाउने प्रयास भइरहेको एमालेका स्थानीय नेताहरूको दाबी छ। तर मतदाताहरू भने यस्ता षड्यन्त्र र नकारात्मक प्रचारप्रति सचेत देखिएका छन।
“हामीलाई काम गर्ने नेतृत्व चाहिएको छ, आरोपको राजनीति होइन,” एक स्थानीय युवाले बताए। उनका अनुसार पर्सा–२ का मतदाताले अब परिणाममुखी र उत्तरदायी प्रतिनिधि खोजिरहेका छन।
राजनीतिक सन्दर्भ र सम्भावित परिणाम
पर्सा–२ विगतमा परम्परागत राजनीतिक प्रभावको क्षेत्र मानिँदै आएको भए पनि यसपटक युवा पुस्ताको सक्रिय सहभागिताले समीकरण बदलिएको देखिन्छ। एमाले संगठनको मजबुत संरचना, कार्यकर्ताको सक्रियता र रिमा कुमारीको ऊर्जाशील प्रचार अभियानले जितको आधार तयार पारेको छ।
राजनीतिक वृत्तमा अहिले चर्चा छ—यदि वर्तमान माहोल यही गतिमा अघि बढ्यो भने पर्सा–२ मा एमालेको जित सुनिश्चित जस्तै देखिन्छ।
फागुन २१ को मतपरिणामले पर्सा–२ को राजनीतिक दिशालाई मात्र होइन, नयाँ पुस्ताको नेतृत्वप्रति जनताको विश्वासलाई समेत स्पष्ट पार्ने अपेक्षा गरिएको छ।
प्रतिक्रिया