पर्सा- यातायात व्यवस्था कार्यालय वीरगञ्जमा कर्मचारीहरुले अधिकारको दुरुपयोग गर्दै अबैध असुलीमा लागेपछि भ्रष्टाचार मौलाउँदै गरेको समाचार प्राप्त भएको छ ।
यातायात व्यवस्था कार्यालय वीरगञ्जको सवारी फाटका अधिकृत अभिनाश गुप्ता र ट्रायल प्रमुख राम सुन्दर महतोले आफ्ना अधिकारको दुरुपयोग गर्दै अबैध असुलीमा लागेपछि भ्रष्टाचार मौलाउँदै गरेको समाचार प्राप्त भएको हो ।
यातायात व्यवस्था कार्यालय वीरगञ्जको प्रमुखको रुपमा कुशेश्वर साह आए देखी यातायात कार्यालयमा भ्रष्टाचार मौलाउँदै, अवेध असुलीको दर बढेको र अनियमितता झन् मौलाउदै गरेको देखिएको हो । कार्यालय प्रमुख साहको आर्शिवादमा मोटरसाईकल फाटका अधिकृत अभिनाश गुप्ता, ट्रायल प्रमुख रामसुन्दर महतोले यातायात कार्यालयमा चरम असुलीको सामराज्य चलाईरहेको समाचार स्रोतको दावी छ ।
कार्यालय प्रमुख साह करिव ४ बर्ष पहिला पनि यातायात कार्यालय वीरगञ्जको सवारी फाटमा हुदाँ असुली कारोवारमा निकैं चर्चित बने पछि तानिएका थिए । अहिले यातायात कार्यालय वीरगञ्जमा उनि चतुर प्रमुखको नामले परिचित छन, भने पुरानै रणनिति अपनाएर सजिलै सेटिङ्ग गर्न सफल रहेका साहले आर्थिक अपचलन तथा असुलीका लागी आफ्ना धावनको रुपमा अधिकृत गुप्ता र महतोलाई परिचालन गरेर आतंक मचाएको देखिएको छ ।
बिगत लामो समय वीरगञ्ज यातायात कार्यालयको सवारी फाटबाट मोटो रकम कमाएर बिवादमा परेका साहको निकै राजनितिक पहुच रहेको जानकारहरु बताउछन । राजनितिक पहुचले गर्दा मान्त्रालयबाट सजिलै सेटिङ्ग मिलाएर आर्थिक अपचलन गर्न पर्सा जिल्ला आउन सफल भएको समेत स्रोतले जनाएको छ ।
यता कार्यालय प्रमुख साहले आफु बिवादबाट जोगिन धावनको रुपमा अधिकृत गुप्ता र महतोलाई परिचालन गरी अबैध असुलीको सामराज्य चलाईरहेका छन ।
यातायात कार्यालय वीरगञ्जमा प्रमुख साह गुरुको रुपमा छन, भने अधिकृत गुप्ता र महतो उनका चेलाको रुपमा अहिले प्रस्तुत भई आर्थिक अपचलनमा लागेको प्रत्यक्षदर्शीले बताएका हुन ।
मोटरसाईकल फाटमा रहेका अधिकृत गुप्ता पैसा बिना कागजातहरु हेर्न पनि मान्दिन भने दर्ता, नामसारी, नविकरण, सनाखत लगायतका कामहरुमा सेवाग्रहीहरुसँग दर रेट तोकेर असुली कार्य गरिरहेको नाम नछापने शर्तमा एक जना कर्मचारीले जानकारी दिए । उनले भने अधिकृत गुप्ताको दररेट छुटै हुन्छ, उनि मनोपरी तरिकाले पैसा उठाउने काम गर्छन पैसा नदिए काम हुनसकिदैन ।
यति मात्र होईन नयाँ आर्थिक बर्ष देखि अधिकृत गुप्ताले दोब्बर पैसा लिने नयाँ दररेट बनाएका छन, भने गुप्ताले तोकेको दररेट स्ववीकार नगरे वापत काम हुदैंन ।
तर यातायात कार्यालय वीरगञ्जमा प्रमुख साहले आफ्नै तरिकामा नियम नबाएर आर्थिक असुली गरिरहेका छन, भने आफ्ना धावनहरुलाई पनि असुली गर्न आफुले बनाएको नियमलाई पाल्ना गर्दै आतंक मचाउन दिएका हुन ।
पैसा नपाए काम हुदैन, पैसा लिएपछि काम गर्छन अनि ब्यवहारी रुपले गरेको बाहाना बनाउनछन । पैसाको लागी आफुले मनचाहे नियम बनाउने र मनोपरी असुली मात्र गर्ने प्रबिधिमा लिप्त कार्यालय प्रमुख साह र उनका धावनहरु प्रमाण समेत पाईएको छ । पैसा पाएमा सनाखत, नविकरण, नामसारीका लागी कुनै किसिमको केरकार हुनैद, भने ब्यक्ति उपस्थिति बिना नै सवारी साधन पास गर्ने गरेका छन ।
२०७६ साल देखि वीरगंज यातायातमा कार्यरत रहेका छैठौं तहका कम्प्यूटर अधिकृत गुप्ताको सरुवा गत साल सर्लाही जिल्लाको मलंगवा यातायातमा भए पनि उनी मन्त्रालयलाई रिझाई २०८१ असोजमा काज सरुवा गराई पुनः वीरगञ्ज आएका थिए ।
अधिकृत गुप्ता दैनिक १० हजार देखि १ लाख सम्म घुसको रकम असुली गर्न सफल व्यक्तिको रुपमा चिनिएका छन, भने उनले यातायातको अबैध असुलीले गर्दा मेडिकल स्थित आयुर्वेदिक नजिक आफ्ना ससुराको नाममा जग्गा खरिद गरि करोडौ लागतमा महल जस्तै घर बनाउन सफल भएको समाचार स्रोतको दावी छ ।
उनलाई साथ दिने फाटका सरोज आचार्य लगायतका अरु अधिकृतहरु पनि निकै सहयोगीको रुपमा साथ दिने गरेका छन । अधिकृत गुप्ता अहिले चर्चामा थिए असुलीमा निकै नाम कमाएका अधिकृत गुप्ता रावाना बझे सम्म आफु मन्त्रालयबाट केहि समयमै फेरी वीरगञ्ज यातायातमा आउने धाक देखाएर गएका छन, भने उनका गतिबिधिले पैसा ल्याउ काम गराउ प्रबिधि कार्यालय प्रमुख साहले सुरु गरेको देखिएको हो ।
यता ट्रायल प्रमुख महतोको पनि कम लिला छैन्न । उनि कागजको टुक्रा, टुक्राबाट पैसा असुल गर्छन । बिचौलिया मार्फत तथा सेटिङ्गमा ट्रायल पास गराउन चिठ्ठिको संकेतले कागजको टुक्रा, टुक्राबाट असुली गर्छन ट्रायल प्रमुख महतो ।
अख्तियार दुरुपयोग अनुसन्धान आयोग, हेटौंडाको प्रत्यक्ष निगरानीमा सञ्चालन हुदा ट्रायल परीक्षामा मात्र १६ प्रतिशत परीक्षार्थी पास हुने गरेका छन तर, अख्तियारको निगरानी हटेपछि परीक्षामा पास हुने दर अचानक ७० देखि ७५ प्रतिशतसम्म पुगेको देखिन्छ र तथ्याङ्कले आर्थिक चलखेल भएको आशंका पुष्टि गरेको छ ।
हाल लिखित परीक्षाका दिन कागजमा लेखिएका टुक्रामा दर्ता नम्बर टिपाएर ट्रायल सेन्टर र कार्यालयमा पुगेर ट्रायल प्रमुख महतोसँग रकम बुझाउने विचौलियाहरूको भिड लाग्ने गरेको देखिन्छ ।
अख्तियारको हस्तक्षेपपछि मोबाइलमार्फत सञ्चार बन्द गरी कागजमा लेखिएको सूची र टोकन प्रणालीमार्फत आर्थिक कारोबार गरिएको खुलासा भएको छ । विश्वसनीय सूचनाहरूले ट्रायल प्रमुख रामसुन्दर महतोले अख्तियारसँग मिलेमतो भएको भन्दै खुलेआम घुसको आधारमा लाइसेन्स वितरणलाई सहज बनाएको आरोप लगाएका छन ।
यातायत कार्यालय प्रमुख साहको संरक्षणमा सुरु भएको अबैध असुलीका काण्डले अहिले यातायात कार्यालय मात्र होईन मन्त्रालय सम्म गन्हाउन थालेको छ । अधिकृत गुप्ताको धाक देखाउनु र नियमन निकायको मौनताका कारणले गर्दा वीरगञ्ज यातायात कार्यालयबाट प्रमुख साहले मन्त्रालय सम्म भागभण्डा पुर्याउने गर्छन भने प्रश्न उठन थालेको छ ।
वीरगन्ज यातायात व्यवस्था कार्यालयमा लाइसेन्स वितरण प्रक्रियामा भइरहेको अनियमितता, घुस लेनदेन र कर्मचारीहरूको मिलेमतोले स्थानीय बासिन्दा र सेवाग्राहीहरूमा गम्भीर असन्तोष र निराशा फैलिएको छ । ट्रायल जिम्मेवारी सम्हालेका व्यक्तिहरूले पैसा बिना केहि नहुने, पैसा ल्याउ काम गराउ प्रबिधि अपनाएर चरम भ्रष्टचारमा लिप्त भएको देखिन्छ । यातायात कार्यालय वीरगञ्जमा देखिएको बिकृतीको बिषयमा नियमन निकायले कतिको चासो देखाउछ, भने प्रश्न खडा भएको छ , भने अनियमितता कायमै रहन्छ कि सबैको चासोको विषय बनेको छ ।
प्रतिक्रिया