वीरगञ्ज महानगरपालिका–११ स्थित हमिद मिया अन्सारीको घरमा जुवातास खेलिरहेको अवस्थामा सात जनालाई नियन्त्रणमा लिइएको हो।
पक्राउ पर्नेमा वीरगञ्ज महानगरपालिका–११ का लखन साह कानु, विनय रौनियार, दीपक साह, नन्दकिशोर जयसवाल, सन्दीप कुमार साह, रोशन साह तुरहा र संतोष गुप्ता रहेका छन।
पर्सा प्रहरीका प्रवक्ता प्रहरी नायब उपरीक्षक चक्रबहादुर मल्लले दिएको जानकारीअनुसार पक्राउ परेकाहरूको साथबाट ९७ हजार ९ सय ९५ रुपैयाँ नगद र दुई सेट तासका गड्डी बरामद गरिएको छ।
चाडपर्वको नाममा जुवातास? प्रहरीको निगरानीमा अवैध गतिविधि
चाडपर्वलाई पारिवारिक भेटघाट, आपसी सद्भाव र खुसी साटासाट गर्ने अवसरका रूपमा लिइन्छ। तर, यही समयमा जुवातासका नाममा आर्थिक जोखिम र सामाजिक विकृति बढ्न सक्ने भएकाले प्रहरीको सक्रियता महत्त्वपूर्ण मानिन्छ। विशेषगरी रातिको समयमा घर तथा गोप्य स्थानमा हुने यस्ता गतिविधिमाथि निगरानी बढाउनुपर्ने आवश्यकता देखिन्छ।
पर्सा प्रहरीले पक्राउ परेकाहरूलाई म्याद थप गरी थप अनुसन्धान प्रक्रिया अगाडि बढाउने जनाएको छ।
चाडपर्व शान्तिपूर्ण र मर्यादित बनाउन प्रहरीले अवैध गतिविधिमाथि निगरानी बढाउनुपर्ने देखिन्छ।
