नेपाली कांग्रेसको बुधबार सम्पन्न महाधिवेशन प्रतिनिधि छनौट प्रक्रियाबाट नेता कुर्मी श्रमिक क्लस्टरबाट सर्वसहमतीले महाधिवेशन प्रतिनिधिमा निर्वाचित भएका हुन ।
कांग्रेस पर्सा क्षेत्र नं. ३ बाट महाधिवेशन प्रतिनिधिका रूपमा कुर्मी सर्वसम्मत चयन भएपछि अहिले सामाजिक सञ्जालमा उनलाई बधाई तथा शुभकामनाको घुईचो लागेको छ।
कुर्मीलाई स्थानीय कांग्रेस कार्यकर्तामाझ सक्रिय तथा अनुभवी नेताका रूपमा प्रस्तुत गर्दै क्षेत्र नं. ३ को संगठन सुदृढीकरण, कार्यकर्ताबीचको समन्वय तथा पार्टी गतिविधिलाई प्रभावकारी बनाउन भूमिका निर्वाह गर्ने अपेक्षा व्यक्त गरिएको छ।
कुर्मीको सर्वसम्मत चयनप्रति कांग्रेसका स्थानीय नेता तथा कार्यकर्ताहरूले बधाई दिँदै आगामी राजनीतिक तथा सांगठनिक यात्राको सफलताको शुभकामना समेत व्यक्त गरेका छन।
